Америк ч айдаг ZTE компанитай Ерөнхий сайд Ч.Сайханбилэг холбоотой юу?

Бид өмнө нь УИХ-ын гишүүн Ё.Отгонбаяр болон түүний эхнэрт холбогдсон хавтаст хэрэг нь явж явж манайд харилцааны холбооны үйл ажиллагаа явуулдаг ZTE компанитай холбогдсан байж болзошгүй талаар хөндөж байсан. Харин энэ удаа уг компани анхнаасаа одоогийн Ерөнхий сайд Ч.Сайханбилэгийн холбоотнууд байж болзошгүй талаар хардан бичиж байна.
Ингэж хардахын учир нь Ерөнхий сайд Ч.Сайханбилэгийг Мэдээлэл, шуудан, харилцаа, холбооны газрын дарга байх үеэс энэхүү ZTE компани Монгол Улсад үйл ажиллагаа явуулж эхэлсэн гэх нь бий. Энэ ч утгаараа Ч.Сайханбилэг сайдтай ZTE яалт ч үгүй сүлбээтэй байж мэдэх бөгөөд хэрэг нь тэгсхийгээд намжсан нь Монголын Засгийн газартай дараагийн том гэрээгээ хийх гэж буйтай холбоотой гэж  2013 онд хэвлэгдсэн Хар дэвтэр дээр хөндөгджээ.
Гэхдээ бид Ч.Сайханбилэгийг албаар хэрэгтэн болгох гэсэнгүй, магадгүй хэмээн хардаж бичиж байгааг уншигчид анхаарна биз.
Ерөнхий сайд Ч.Сайханбилэг тус компанид элэгтэй байсан нь өдгөө хэвлэлийн шар хуудаснаа тодхон үлджээ.
Тухайн үеийн Мэдээлэл, шуудан, харилцаа, холбооны газрын дарга Ч.Сайханбилэг “Манай оператор компаниуд уналтад ороод нэг минут нь нэг цент болчихсон байсан. ZTE-ийн төхөөрөмжийг тавьснаар урсгал нь хяаталтад орж, доод үнэ нь найман цент болж ашиг нь нэмэгдсэн. Хувийн хэвшлийнхэнд ч энэ ашигтай хувилбар байсан учраас бүгд дэмжсэн” хэвлэл мэдээллээр ярьж байв. Түүний дараа МШХХТГ-ын дарга болсон А.Мөнхбат ч тус компанид элэгтэй болсон талаар салбарынхан нь ярьдаг юм билээ.

Тэд Монголын зах зээлд анх орж ирэхдээ Засгийн газарт хоёр сая ам.дооларын бэлэг, 300 сая ам.долларын тендер авч байсан нь тухайн үед нэлээн хэл ам дагуулж байлаа.
Гэсэн ч хөгжиж буй орнуудыг байтугай хөгжилтэй орнуудыг ч эрхшээлдээ оруулж чаддаг ZTE Монгол Улсад ноёрхолоо тогтоож чадсан байдаг.

У г нь Харилцаа холбооны төхөөрөмжөөрөө дамжуулан хэд хэдэн оронд хяналтаа тогтоосон ZTE-ийн төхөөрөмжийг улсын нууц задруулдаг гэх шалтгаанаар хориглож байсан удаатай.
Ялангуяа Флиппин, Уганда, Замби, Кени, Шри-Ланк, Иран зэрэг хөгжиж буй орнуудад тагнаж туршсан хэрэгт орж байжээ.
Тендер авахдаа тухайн улсын эрх баригчдад удаа дараа авлига өгсөн нь баримтаар нотлогдсон ч гэх нь бий. Энэ хэргээр Флиппиний Ерөнхийлөгч суудлаасаа огцорч байв. Мөн Энэтхэг, Норвеги зэрэг орнууд ZTE-ийн төхөөрөмж яриаг нь замаас нь тагнадаг гэж үзээд хэрэглэхийг хориглож байлаа.
Үүнийг батлах мэт 2012 оны аравдугаар сард АНУ-ын Конгрессийн тагнуулын албыг харицусан байнгын хороо БНХАУ-ын царилгаан холбооны Huawei болон ZTE  хэмээх компаниуд АНУ-ын аюулгүй байдалд аюул учруулж байгааг олон нийтэд зарлаж байжээ.
Тус хорооноос энэхүү асуудлыг жил шахам судалж гаргасан тайландаа эдгээр компаниудыг цаанаас нь Хятадын Засгийн газар удирддаг бөгөөд үүгээрээ дамжуулж өөр улсуудыг чагнаж тагнадаг гэсэн байна.
Үүний адил ZTE Монголд орж ирэхдээ хэн гэдэг албан тушаалтандаа ярьж хөөрөлдөн хичнээн төгрөгийн авлига өгсөн төдийгүй төрийн хэдэн арван нууцыг цааш нь задруулсаныг бас л таашгүй.
Юутай ч ZTE-ийн хэрэгт Монгол Улсын Ерөний сайд тодорхой хэмжээгээр оролцоотой юм биш үү гэдэг асуудлыг бид хөндөж бичсэнээ хүргэлээ.
Энэхүү асуудлыг бид үргэлжлүүлэн хүргэх болно.
Эх сурвалж: Mongolcomments.mn