Месси 23 дахь хет-трикээ хийлээ

Барселона клуб Ла лигийн хүрээнд өчигдөр 23 дугаар тойргийн тоглолтоо Леванте клубтэй хийлээ. Тус тоглолтод Лионел Месси гурван гоол оруулсан бөгөөд лигийн хүрээнд оруулсан 23 дахь хет-трик юм. Мөн Неймар, Суарез нар тус тус нэг гоол оруулав.

Энэхүү тоглолт нь Мессигийн хувьд клубийнхээ үндсэн багийн төлөө тоглосон 300 дахь тоглолт болж байгаа юм. Тэрбээр энэ хугацаанд 269 гоол оруулсан нь нэг тоглолтод дунджаар 0.89 гоол оруулсан гэсэн бахдам амжилтад тооцогдож байна.

Месси “Би маш их баяртай байна. Миний бүх амжилт энэ клубтэй, тоглогчид, фэнүүдтэй салшгүй холбоотой. Энэ улиралд цом өргөхийг хүсч байна” гэжээ.