Д.Арвин гишүүн Малайзын засгийн газрыг бут ниргэв

Өчигдрийн чуулганаар Элчин сайдуудыг эгүүлэн татах, томилох тухай асуудлыг хэлэлцэж, баталсан юм. Энэ үеэр

УИХ-ын гишүүн Д.Арвин Малайз, Монгол улс хоёрын хооронд дахь дипломат харилцаанд сэв суулгахаар үг хэлж олныг алмайруулав.

УИХ-ын гишүүн Д.Арвин Элчин сайдаар томилогдсон хүмүүсийг боловсролтой, хүнлэг гэж ярьж байснаа гэнэт асч
“Малайзад суусан өмнөх элчин сайд их муу ажилласан шүү. Гадаад харилцааны яам Ш.Алтантуяагийн аавийнх нь хүсэлтээр ажилласан болохоос биш ер нь элчин сайдууд муу ажилласан. Учир нь Малайзын Засгийн газар Монголын ард түмнээс уучлалт гуйгаагүй байгаа. Өөр орон байсан бол бараг байлдах байсан байх.

Хоёрын хоёр эмэгтэйн амийг авчихаад байхад бид нар энд гөлийчөөд сууж байгаа нь дэндүү хайхрамжгүй  байна. Тухайн үеийн Ерөнхийлөгч, Ерөнхий сайд дандаа толгойг нь илээд тэдний талд байсан нь мэдрэгдэж байсан. Та нар төрөөс цалин авч байгаа. Тэгэхээр Малайзад суух элчин сайд очоод Ш.Алтантуяаг хөнөөсөн этгээдийг үнэхээр цаазаар авч байна уу, үгүй юу гэдгийг мэдээд Монголын ард түмэнд мэдээлэх хэрэгтэй. Хоёрдугаарт Монголын ард түмнээс уучлалт гуйлгах хэрэгтэй. Мэдээж бурхан шийтгээд Малайзын онгоцуудыг сүйрүүлээд бодийг нь хөтөлсөн. Би мэдэж байгаа юм. Гэхдээ Монголын ард түмэн зүгээр сууж болохгүй” гэв.

Түүний хэлсэн үг уг чанартаа үнэний ортой ч улс эх орноо төлөөлөөд төрийн өндөр албан тушаалд сууж буй хүний хувьд амнаасаа хаалттгүйгээр гаргасан тун болчимгүй явдал болов.