Дэлхийн шилдэг хамгаалалтын нохой Кавказ овчарк

Өнгөрсөн амралтын өдрүүдэд Гүнтийн зусланд Монголын кавказ хоньч нохой сонирхогчдын цугларалт болов. 2014 оноос тус үүлдрийн нохой үржүүлгийн газрууд нэгдэж Монголын кавказ хоньч нохойн клубыг байгуулсан бөгөөд энэ жил хоёр дахь удаагаа нэгдсэн цугларалт хийсэн нь энэ юм.

Нохой судлаачид ба нохойтой холбоотой томоохон байгууллагуудаас хийсэн судалгаагаар “Дэлхийн хамгийн шилдэг хамгаалагч нохойн үүлдэр”-ээр кавказ хоньч нохой тодорсон байдаг бөгөөд үндсэн арван санал асуулгийн 80-аас дээш хувьд нь тус нохойнд саналаа өгсөн байдаг юм. Кавказ хоньч нохой нь эр нохойн сэрвээний өндөр 68см-с доошгүй, эм нь 64 см-с доошгүй, жингийн хувьд эм нь 45, эр нь 50 кг-аас доошгүй хүнд жингийн том биетэй нохой юм.

Кавказ хоньч нохой нь олон улсын нохой судлалын холбоонд 328 дугаартай бүртгэгдсэн, Орос улсын үүлдэр юм. Уг ноход нь Кавказ болон Өмнөд Оросын цөлийн бүс нутгуудад тархжээ.

Ямар ч төрлийн цаг агаарт амархан зохицон амьдрах чадвартай, анхаарал халамж төдийлөн шаардахгүй тэсвэр хатуужилтай,төрөлхийн хамгаалагч шинжтэй гадны хүнд ширүүн ханддаг.

Кавказ хоньч нохой биеэ даасан , хамааралгүй, маш зоригтой нохой тул нохой анхлан тэжээгч, сул дорой, туршлагагүй эзэнд тохиромжгүй бөгөөд зөв хүмүүжүүлэх нь маш чухал байдаг.

Монголд тус үүлдэрийн ноходын гөлөг 300 мянгаас 1 сая төгрөгийн үнэтэй зарагддаг ба Монголын нохой судлалын холбооны дэргэдэх Монголын кавказ хоньч нохойн клубээс худалдан авах боломжтой.

- See more at: http://society.time.mn/content/53289.shtml#sthash.DfRlVGHo.dpuf