”Тэнгис”-т тухлах боломжтой боллоо

“Төсөөллөөс илүүг Тэнгисээс” уриатай “Тэнгис” кино театрын хамт олон байнга шинийг сэтгэж, үзэгчдийнхээ тав тухтай байдлыг эрхэмлэдэг билээ.

Тухайлбал, “Төрсөн өдрөө Тэнгист” урамшууллаар төрсөн өдрөөрөө “Тэнгис”-т ирсэн хүн бүрт амтат попкорн сэрүүн ундаагаар бэлэг барих, таван удаа кино үзээд  зургаа дахь киногоо 4000 төгрөгөөр   үзэх боломжтой “Улаан фенийн картын урамшуулал”, Скайтелийн D20-ын хэрэглэгчдэд үзүүлэх урамшуулал зэргийг үзэгчиддээ өргөн бариад буй.

Түүнчлэн автомат тоглоомын төв, “СКАЙРАЙДЕР”  4D мини кино театр зэрэг киногоо хүлээх зуураа уйдаагаа гаргах олон сайхан боломж бий.

Харин энэ удаа “Тэнгис”-ийнхэн маань бяцхан үзэгчдийнхээ тав тухтай байдлыг хангасан нэгэн шинэ үйлчилгээг нэвтрүүлжээ. Энэ нь хүүхэд багачуудад маань зориулсан 3D нүдний шил болон сандлын нэмэлт суудал юм.

Бяцхан үрээ дагуулаад кино үзэх гэхээр л намхан сандал дээр, том нүдний шилтэй нэг л тухгүй байгаа нь мэдрэгддэг шүү дээ. Тэгвэл одоо “Тэнгис”-т тухлах боломжтой боллоо. Та бүхэн үр хүүхдээ дагуулж очих үедээ нэмэлт суудлыг үйлчилгээний ажилтнаас аваад, тухлан сууж сонирхсон киногоо тавтай үзээрэй. “Төсөөллөөс илүүг Тэнгис”-ээс…