МАН-ын гишүүд автомашины зардлаасаа татгалзав
МАН-ын бүлэг сая Төрийн ордны Г танхимд өчигдрийн ээлжит бус хуралдаанаар хэлэлцсэн асуудалд гаргасан шийдвэрээ танилцуулахаар хэвлэлийн бага хурал зохион байгуулсан юм.
Уг хэвлэлийн хурлаар МАН-ын бүлгийн 26 гишүүн төсвөөс олгодог унааны зардлаасаа татгалзаж өөрсдөө хувиасаа гаргаж байх шийдвэрээ танилцууллаа.
УИХ-ын гишүүний нэг сарын унааны зардал дунджаар 500 мянган төгрөг байдаг аж. Тэгэхээр МАН-ын 26 гишүүн үүнээс татгалзаж байгаа нь сардаа 13 сая, жилдээ 156 сая төгрөг хэмнэх боломжтой болж байгаа юм.
URL:
