Машиндаа эд зүйлээ бүү орхиорой

Олон хавар нэгэндээ гэж үг байдаг. Удахгүй гараад ирэх юм чинь гэж эд зүйлсээ машиндаа орхиж бууснаас иргэд ихээхэн хохирч байна. Энэ төрлийн гэмт хэргийн дуудлага цагдаагийн байгууллагад маш их ирдэг гэнэ. Саяхан “Хорго” хотхоны гадна байсан автомашинаас эд зүйлээ хулгайд алдлаа” гэсэн мэдээлэл ирсэн ажээ.  Мэдээллийн мөрөөр шалгахад: “Toyoto prius” автомашины цонхыг хагалж зүүн хойд гэрэл дохио, хөгжим, ШУА-ын эрдэм шинжилгээний ажилд хэрэглэдэг ком багажийг нь хулгайлсан байжээ.
Сүүлийн үед машинаасаа бэлэн мөнгө, хувцас, компьютер, гар утас, бичиг баримт, машины эд ангиа хулгайд алдсан гэх дуудлага нэмэгдсээр байгаа юм байна. Тодруулбал,  Баян зүрх дүүргийн 16-р хороонд байрны гаднаас автомашины эд зүйл хулгайд алдагдлаа гэсэн дуудлага мэдээллийн дагуу шалгахад, “Toyota croun” машины 4-н дугуй алдагджээ. Мөн хойд хос гэрэл, хянах самбар, толь, хойд хоёр гэрэл, дугуй гээд машины эд зүйлс хулгайлдаг этгээдүүд бүлэглэн үйлдэж иргэдийг хохироосоор байна. Тиймээс иргэдийг автомашинаа хараа хяналттай газар байрлуулж, эд зүйлсээ машиндаа орхихгүй байхыг цагдаагийн газраас анхааруулж байна.