БСШУ-ны яамны СБТГ-ын дарга Б.Насанбаяраас хүлцэл өчих нь

Fact.mn мэдээллийн сайтаас энэхүү залруулгыг уншигч олноо хүргэж Б.Насанбаяраас Нэр төр, алдар хүнд ажил хэргийн нэр хүндэд нь халдан худал мэдээ тараасанд хүлцэл өчиж байна.

Манай сайтын 2014 оны 10 дугаар сарын 22-ны өдрийн мэдээлэлд сэтгүүлч Чойгийн бичсэн “Тархиа угаалгасан МҮҮН хадагтай Б.Насанбаярын монгол боловсролоор тоглох ээлжит төлөвлөгөө” нийтлэлд “Монгол хэлний толь” хэмээх нэртэй үгзүйн тайлбар толийг Солонгос улсын иргэн Ё БЁН МҮ-ний эрхлэн гаргасан номыг ЕБС-ийн дунд ахлах ангийн сурагчдад заавал үзэх ном хэмээн хүчээр шахаж буй” гэх агуулга бүхий нийтлэл бичигдсэн нь үндэслэлгүй болохыг мэдэгдэж байна.Тус мэдээллийг өгсөн иргэн, хуулийн этгээд нь дахин баримттайгаар мэдээлэл өгөхөөс татгалсан учраас манай байгууллага тус мэдээллийг баримтгүй хэмээн үзсэн болно.

Fact.mn