Н.Төгсцогт мэргэжлийн боксын тамирчин болсноо албан ёсоор мэдэгдлээ

Монголын боксын шилдэг тамирчин Н.Төгсцогт мэргэжлийн бокст орж буйгаа олон нийтэд мэдэгдлээ. Тэрээр “Фэйсбүүк” хуудсандаа мэргэжлийн бокст орсон үнэмлэхний зургаа оруулсан байна. 2009 оны Миланы дэлхийн аваргын мөнгө, 2012 оны Лондонгийн зуны Олимпийн мөнгөн медальт, дэлхийд данстай Н.Төгсцогт өнгөрсөн намар БНСУ-ын Инчон хотод болсон Азийн наадамд медаль хүртэх зорилготой очсон.

Гэтэл шөвгийн наймд зохион байгуулагч орны тамирчин шүүгчийн тусламжтай манай тамирчинг хожсон. Энэхүү үйлдэлд нь дургүйцсэн Н.Төгсцогт сонирхогчийн боксыг орхиж, мэргэжлийн тамирчин болно гэдгээ мэдэгдээд байсан юм.

Э.Гүнтөмөр