БҮТЭЭН БАЙГУУЛАЛТЫН ЖИЛ БОЛСНЫГ ОНЦОЛЛОО

Монголын барилгын салбарын тэргүүлэх нэгдэл Үндэсний Бүтээн Байгуулалтын Корпорацийн шинэ жилийн цэнгүүн болж, нэгэн жилийнхээ амжилт бүтээл, алдаа оноогоо дүгнэлээ.

Цэнгүүнийг нээж ҮББК-ийн ТУЗ-ийн даргын үүрэг гүйцэтгэгч, корпорацийн нийгмийн бодлогын асуудал эрхэлсэн дэд ерөнхийлөгч Г.Батжаргал хэлсэн үгэндээ “Бид Засгийн газрын хөтөлбөрийн дагуу томоохон бүтээн байгуулалт өрнүүллээ. Өнөөдөр цас бударсан сайхан үдэш тохиож байна. Ийнхүү цас гэрэлтэн бударч байгаа нь бидний өмнөх зам мөн адил гэрэлтэй байхын ерөөл гэж би харж байна. Манай таван компани болон тэдгээрийн хамт олон эвсэг байж хамтын хүчээр илүү амжилт гаргахыг уриалъя” гэсэн бол ҮББК-ийн ерөнхийлөгч Б.Жүгдэр “ҮББК түүний гишүүн таван комданийн ажил 2014 онд амжилт бүтээлээр дүүрэн байлаа. Бид энэ онд 80 тэрбум төгрөгийн өртөг бүхий “Буянт-Ухаа 1″ хорооллыг хүлээлгэн өгч 143 тэрбум төгрөгийн өртөг бүхий гэрээ байгуулан 150 орчим мянган метр кв орон сууцыг 2015 оны аравдугаар сарын 31-нд хлээлгэн өгөхөөр гэрээлэн 44.5 хувийг гүйцэтгэсэн амжилтаар 2014 оныг үдэж байна. Улиран одож буй он ҮББК-ийн хувьд барилгын үйлдвэрлэл болон удирдлагын тогтолцоог боловсонгуй болгох, шинэ техник технологи нэвтрүүлэх, монгол ажилчдын хамтын хүчээр томоохон ажлууд хийж болдгийг харуулсан жил боллоо. Мэдээж 2014 оны ажил дээр анхаарууштай зүйлс гарсан. Үүнийг бид ирэх жил засварлаж илүү амжилт гаргах болно. Энэ дашрамд манай захилагч болох ТОСК-ийн хамт олонд талархал илэрхийлье. 2015 онд бид 2592 айлын орон сууцыг бүрэн хүлээлгэж өгөөд зогсохгүй гадна шугам сүлжээ, тохижилтын ажилтай нь бүрэн бүтнээр нь хүлээлгэн өгөх болно” хэмээсэн юм.