Какуруюү М.Ананд хуримаа хийхээр болжээ

Мэргэжлийн сумогийн 71 дэх их аварга Какуруюү М.Ананд энэ жил 29 настай. Тэрээр энэ сард нутаг нэгт, 23 настай Дашнямын Мөнхзаяа хэмээх бүсгүйтэй гэрлэх гэж байгаа юм байна. Яагаад энэ сар гэж онцолсон бэ гэвэл одоогийн байдлаар хуримын нарийн тов гараагүй байгаа аж.

Өнгөрсөн оны гуравдугаар сард буюу Какуруюү хаврын тэмцээнд түрүүлэн, Эзэн хааны цом гардаж, их аварга болсны дараа тэд уулзах болж, дөрвөн сарын өмнөөс хамт амьдарч эхэлжээ. Ирэх тавдугаар сард аваргын анхны үр нь мэндлэх юм байна.