Л.Чинбатын бүжин хээр даага түрүүллээ

Хүй долоон худагт болж буй эрлийз морьдын наадамд гурван насны морьд уралдлаа. Дааганы уралдаанд Говь-Алтай аймгийн Бигэр сумын уугуул “Гацуурт” ХХК-ийн захирал Л.Чинбатын бүжин хээр даага түрүүлж торгон жолоо өргүүллээ. Аман хүзүүнд Төв аймгийн Баян сумын уугуул Энхболдын Анарын халиун алаг даага хурдаллаа. Алаг даагыг 07 дугаартай 10 настай Б.Сундуйсүрэн унаж хурдлуулсан юм. Айргийн дөрөвт Төв аймгийн Сэргэлэн сумын уугуул А.Төгсбатын Ээлт халтар даага, айргийн тавд Завхан аймгийн Эрдэнэхайрхан сумын уугуул Н.Даш-Өлзийн зээрд даага хурдаллаа.