УИХ-ын гишүүн Б.Наранхүү АЖ Хайдавт “Ланд 200” бэлэглэв

Дэлхийн томоохон дуурийн театруудад Монголоороо овоглон гарч, цээл зайхан хоолойгоороо үзэгч түмнийг баясгаж явсан Ардын жүжигчин Г.Хайдав гуай энэ жил ёстой азтай, одтой байлаа. 2014 он дөнгөж гармагц орон сууцаар шагнуулсан тэрбээр саяхан автомашинаар шагнуулжээ. Өнгөрөгч бямба гарагт Дундговь аймгийн нутгийн зөвлөлийн “Алтан үзэг” шинэ жилийн цэнгүүн болсон бөгөөд энэ үеэр УИХ-ын гишүүн Б.Наранхүү АЖ Г.Хайдавт нутаг орныхоо нэрийг өндөрт өргөж явааг нь үнэлж ийнхүү “Ланд круйзер 200” маркийн автомашиныг бэлэг болгон өгсөн байна.