Дуучин Хишигдалай “Оддын өвчин” туссан уу?

Шударга зан, сайхан хоолойгоороо  төвөггүй олны танил болж чадсан хөдөлмөрч зантай “Universe Best Songs” наадмын Гран при шагналт, “Шилдгийн шилдэг” дуучин А.Хишигдалайг сүүлийн үед их бухимдуу байгаа бололтой. Тэрээр цахим хуудаснаа “Намайг хүмүүс муу ярьж байгаад чи баярлаад яах вэ. Би ч яахав, хүн надад атаархаад муулдаг юм байж. Харин чи яана аа. Хүн битгий хэл, нохой ч чамайг хараад тоож хуцахгүй байна шүү дээ” хэмээн хатуухан үгс бичжээ. Хэн нэгэнд зориулан хэрүүлийн “алим” шидсэн дуучин бүсгүйн энэхүү бухимдал олон хүнийг гайхашруулж, бас багагүй хүний дургүйцлийг төрүүлж, зарим хэсэгт нь шүүмжлүүлээд авчээ. Юутай ч, сүүлийн үед “оддын өвчин” туссан хэмээгдээд байгаа дуучин А.Хишигдалай нэг иймэрхүү бухимдуу явна.