Машины тээшинд хийгээд гар утсыг нь дээрэмджээ

 Өчигдөр орой “Дөлгөөн нуур” төвийн ойролцоо “Toyota Prius-20″ автомашины жолоочийг машиндаа сууж байхад нь үл таних таван залуу хутга тулган гар утсыг нь дээрэмдэн, найзынх нь хамт машины тээшинд нь хийн “Хүчит шонхор” захын урд талын үерийн даланд үлдээгээд зугтсан хэрэг гарсан байна. Цагдаагийн алба хаагчид шуурхай ажилласны үр дүнд уг хэргийг үйлдсэн гэмт этгээдүүдийг барьсан байна. Хэргийг Чингэлтэй дүүргийн иргэн Х нь согтуурсан үедээ бусадтай бүлэглэн үйлдсэн бөгөөд нэг гар утаснаас болж хүний амь насыг хохироох шахсан нь хэрээс хэтэрсэн үйлдэл юм.

Д.Солонго /Zindaa.mn/