Том оврын автобус хүний аминд хүрлээ

Баянзүрх дүүргийн дөрөвдүгээр хорооны нутаг дэвсгэр буюу Жуковын музейн автобусны буудлын ойролцоо “Жоби-72 төв”-ийн нийтийн тээврийн үйлчилгээ эрхэлж буй том оврын автобусны жолооч нэгэн явган зорчигчийг дайрч амь насыг нь бүрэлгэсэн хэрэг дөнгөж сая гарчээ.

Нийтийн тээврийн 35 дугаар шугам буюу Улаанхуаран-Мах импексийн чиглэлд зорчигч тээвэрлэж явсан том оврын автобусанд дайрагдсан хүн газар дээрээ нас барсан байна. Одоогийн байдлаар цагдаа нар ослын газарт ажиллаж буй бөгөөд ослын талаар ямар нэгэн мэдээлэл өгөхөөс татгалзсан юм.

Эх сурвалж: new.mn