Хамгийн өндөр орлоготой жүжигчдийг Анжелина Жоли тэргүүлжээ

“Forbes” сэтгүүл Холливудын хамгийн их орлоготой жүжигчдийг нэрлэсэн байна. Жагсаалтыг жүжигчин Анжелина Жоли, Сара Жессика Паркер нар тэргүүлжээ.

Анжелина Жоли, Сара Жессика Паркер нарын жилийн орлого 30 сая ам.доллар. Уг жагсаалтыг Женнифер Анистон, Рийз Витерспүүн нар 27 сая ам.долларын ашигтайгаар удаалжээ. Харин Холливуудын “хөөрхөн хүүхэн” Жулиа Робертс 20 сая ам.долларын орлоготойгоор “Twilight”-ийн од Кристен Стьюарттай эн зэрэгцэж байгаа гэнэ.

Жулиа Робертсын өнгөрсөн жил гол дүрд нь тоглосон “Ид, залбир, хайрла” кино 205 сая ам.долларын ашигтайгаар “box office”-д тэргүүлж байсан билээ. 15 сая ам.долларын орлого олсон Сандра Баллок, гайхамшигт Мерид Стрип нар жагсаалтын эхний аравт бичигдсэн байна.

Ж.Ингүүн