“Petrochina” занарын хий олборлох шинэ төсөл хэрэгжүүлнэ

БНХАУ-ын эрчим хүчний салбарт тэргүүлэгч “Petrochina” компани занарын хий олборлох дөрвөн тэрбум ам.долларын хөрөнгө

оруулалттай шинэ төсөл хэрэгжүүлж эхэллээ. Хятадын занарын хий олборлолтын гол талбайн нэг болох Чончин хотын Фулин талбай орчимд төслийн хүрээнд туршилтын 16 өрөмдлөгө хийхээр төлөвлөжээ. Төслийг энэ онд багтаан эхлүүлж анхны бүтээгдэхүүний борлуулалтыг 2017 онд эхлэхээр төлөвлөсөн гэж компанийн зүгээс мэдээлсэн. Төслийн 40 хувийг “Petrochina” эзэмших бол үлдсэн хувийг “SinoChem” тэргүүтэй орон нутгийн гурван компани эзэмшихээр болжээ. Хятадын баруун өмнөд хэсэгт орших Чончин хот орчимд хоёр их наяд куб метр занарын хийн нөөц тогтоогдсон. Одоогоор тус улс 25 их наяд куб метр занарын тогтоогдсон нөөцөөрөө дэлхийд тэргүүлж байна. Гэхдээ геологийн хүнд тогтоц болон дэд бүтцийн хөгжил сул байгаагийн улмаас олборлолт хангалттай түвшинд хүрч чадахгүй байгаа юм