Оюутолгойн баяжуулах үйлдвэрийн галыг газар авалгүй унтраасан

“Оюутолгой” компанийн баяжуулах үйлдвэрт өчигдөр 17.10 цагийн орчим гал гарч их хэмжээний утаа болсон талаар  эх сурвалжууд хэлж байна. ”Баяжуулах үйлдвэрт гал гарлаа. Хүний амь нас эрсдээгүй байгаа. Дээврээсээ бололтой яг нарийн мэдээлэл алга. Бөөн утаа л гараад байна”  гэсэн мэдээллийг зургийн хамт цахим ертөнцөөр Оюутолгойд байгаа хүмүүс тавьсан билээ. ”Оюутолгой” компанийн зарим эх сурвалжууд энэ талаар одоогоор албан ёсоор ирсэн мэдээлэл алга гэж байсан юм.

Тэгвэл “Оюутолгой”-н ажилтнаас энэ талаар утасдан тодруулахад Оюутолгой баяжуулах үйлдвэр дээр гарсан галыг шуурхай арга хэмжээ аван унтрааж, хяналтандаа аваад байна. Галын шалтгааныг тодруулах ажил эхлээд байгаа. Галын улмаас гэмтэж бэртсэн хүн байхгүй гэж мэдээлжээ.