АН,МАН-аас тус тус зургаан хүний бүрэлдэхүүнтэй ажлын хэсэг гарчээ

Засгийн газрыг байгуулах асуудлаар УИХ дахь АН-ын бүлгээс ажлын хэсэг байгуулсан байна. Тус ажлын хэсэг нийт зургаан гишүүний бүрэлдэхүүнтэй бөгөөд ахлагчаар нь М.Батчимэг гишүүнийг томилжээ. Ажлын хэсгийн гишүүд өнөөдрөөс эхлэн дээрх асуудлаар нам, эвслүүдтэй анхны уулзалтаа хийж байгаа юм.

Мөн Засгийн газарт хамтарч ажиллах асуудлыг судлахаар Су.Батболд гишүүнээр ахлуулсан Ө.Энхтүвшин, Н.Номтойбаяр, Ё.Отгонбаяр, Я.Содбаатар, Ж.Энхбаяр нарын зургаан хүний бүрэлдэхүүнтэй ажлын хэсэг байгуулсан юм.