Л.Мессигийн амжилтыг эвдэхэд 600 жил хэрэгтэй

Өнгөрсөн амралтын өдөр “Ла лиг”-ийн 12-р тойргийн тоглолтууд болсон. Энэ удаа “Барселона”-гийн Л.Месси Испанийн дээд лигт 253 дахь гоолоо оруулж, бүх цаг үеийн мэргэн буучаар тодорсон аж. Түүнээс өмнө Т.Зарра 1940-1955 оны хооронд 15 жил “Ла лиг”-т хүчин зүтгэхдээ 251 гоол оруулаад байв. Түүний энэ амжилтын тухай “Барса”-гийн экс дасгалжуулагч П.Гуардиола хэлэхдээ “Би Мессиг Барселонад зодог тайлахыг нь харвал их баярлах болно. Үнэхээр чин сэтгэлээсээ хүсч байна. Мессид баяр хүргэх хэрэгтэй. Энэ амжилтанд итгэхэд  хэцүү. Хэн нэгэн хүн түүний рекордуудыг эвдэнэ гэвэл 600 жил хэрэгтэй болох байх” гэсэн юм.

Мэргэжлийн хөлбөмбөгчин болсноосоо хойш олон рекордыг шинэчлэн тогтоогоод буй Аргентин тоглогч Л.Месси өнөө “Аваргуудын лиг”-ийн хэсгийн тав дахь тоглолтоо Киприйн “АПОЭЛ”-ийн эсрэг хийнэ. Хэрэв гоол оруулбал “Аваргуудын лиг”-ийн тэмцээний бүх цаг үеийн мэргэн буучаар тодрох боломжтой аж.

“Ла лиг”-ийн бүх цаг үеийн мэргэн буучид