NBA-ийн тоглогчид өнөөдөр тоглоно

Сагсан бөмбөгийн үндэсний лигийн өнөөдрийн буюу даваа гарагийн эхний тоглолт ширүүхэн тоглолт болох нь дамжиггүй ба Шонхорууд болон Төв аймгийн Төв Ургац багуудын тоглолтоор эхэлнэ. Шонхорууд багийн хувьд шинэ улирлыг тун амжилттай буюу хоёр тоглолтондоо хоёр хожил аваад байгаа. Т.Санчир, Г.Цэнгүүнбаяр, Б.Дархантөгс, Э.Цэрэнбаатар, А.Гансүх, Төгсцогт, туршлагатай хамгаалагч А.Төмөр зэрэг тун жигд бүрэлдэхүүн дээр хүчтэй, тэсрэлттэй хамгаалагч Mency нэмэгдэнэ. Меncy-гийн тоглолтонд үзэгчид туйлын сэтгэл хангалуун байгаа ба түүний тоглолтыг үзэхээр СТО-нд зорьж буй үзэгчид олон байна. Сагсан бөмбөгийн төгс хичээлийг заах тоглогчдыг Төв Ургац багийнхан Үндэсний супер лигт авч иржээ гэсэн дүгнэлтийг эхний тоглолтын дараа сагсан бөмбөгийн мэргэжилтнүүд дүгнээд буй.

Харин өнөөдрийн хоёр дахь тоглолт Насанд хүрэгчдийн улсын аварга, Спрайт супер лигийн аварга, Бүх Ард Түмний спартакиад гээд улсын хэмжээний бүх тэмцээнд баг бүрийн хүсээд байдаггүй “аварга” хэмээх амжилтыг үзүүлсэн залуус бол Хасумегаваттынхан болон Их хааны нэрээр нэрлэгдсэн Чингис сити багийн хооронд болно.

Монголын сагсан бөмбөг дэмжигчдийн хүсэн хүлээсэн өдөр бол өнөөдөр. Монголын талбайд, тэр тусмаа Монголын олон шилдэг тамирчдыг төрүүлэн гаргасан Спортын төв ордны А заалны талбайд NBA-гийн тоглогчид тоглоно. Тоглогчид хэмээн тодотгох учир нь Монголд газардаад байсан New Orleans Hornets, Atlanta Hawks, San Antonio Spurs-ийн экс цэрэг холбон тоглогч Squeaky Jonhson, түүн дээр өчигдөр Монголд газардсан NBA-д гурван жил хүчин зүтгэсэн Memphis Grizillies багт тоглож явсан төвийн тоглогч Andre Brown нэмэгдэх юм.

medee.mn