МХБХ-ны ерөнхийлөгчийн сонгууль ирэх сард болно

Монголын хөлбөмбөгийн холбоо өнөөдөр МХАҮТ-ын хурлын зааланд ээлжит бус их хурлаа хийж байна. Урьдчилсан байдлаар энэхүү ээлжит бус хурлын үеэр МХБХ-ны дараагийн ерөнхийлөгчийг тодруулна хэмээн мэдэгдээд байсан. Өнөөдөр болж буй хуралдаанаар Монголын хөлбөмбөгийн холбоо шинэчилсэн дүрмээ баталсан байна. Харин тус холбооны ерөнхийлөгчийн сонгуулийг ирэх 2014 оны хоёрдугаар сарын 27-ны өдөр явуулахаар боллоо.

МХБХ-ны ерөнхийлөгчийн сонгуульд нэр дэвшигчид

1. Т.Лхагвадорж – “Вульф Петролеум” ХК-ийн ТУЗ-ийн дарга

2. Б.Мэдрээ – Худалдаа хөгжлийн банкны гүйцэтгэх захирал

3. Г.Ганхүү – “Дэрэн-хөлбөмбөг” спорт клубийн ивээн тэтгэгч, Шар айраг хамтлагийн ахлагч

4. А.Ганбаатар – Монгол улсын Ерөнхийлөгчийн зөвлөх, МХБХ-ны Дэд Ерөнхийлөгч