Нефтийн үнэ дахиад л унаж байна

Нефть экспортлогч орнуудын картель, ОРЕС олборлолтоо бууруулах хүсэлгүй байгаагийн улмаас дэлхийн нефтийн үнэ бууж байна гэдгийг сүүлийн арилжаа харууллаа.

Арваннэгдүгээр сарын 13-ны өдрийн  арилжааны эхээр ирэх сарын фьючерсийн Хойд тэнгисийн Brent маркийн  хольцийн үнэ 2,06 хувиар унан баррель нь 80,02 ам.доллар болсон байна. Америкийн хөнгөн WTI (Light Sweet Crude Oil) маркийн нефтийн фьючерсийн үнэ 1,17 хувиар алдан баррель нь 77,04 доллараар арилжаалагджээ.

ОРЕС-ийн гишүүн орнууд олборлолтоо буулгах уриалгыг үл тоож байгаагаас нефтийн үнэ унаж байна гэж Bloomberg агентлаг мэдээлэв. “Эрэлтийн зөөлөн хувилбарын дэсгэр дээр олборлолт нэмэгдэж байгаа ньгол  шалтгаан болж байна. Тэдэнд зөрөлдөөн байгаа нь ойлгомжтой. Нэг хэсэг нь ОРЕС-ийн хуралдаан дээр Саудын Араб олборлолтоо буулгана гэж ярьж байгаа ч минийхээр бол тэд энэ чиглэлээрээ явна” хэмээн Сидней дэх CMC Markets-ийн стратегч Майкл Маккартийн (Michael McCarthy) хэлснийг агентлаг иш татжээ.

Жил тутмынхаа Вена хотноо болдог уулзалт дээр энэ сарын 27-нд ОРЕС дэлхийн нефтийн хэрэглээний дүгнэлтүүд муудаж буйтай холбоотойгоор олборлолтыг буулгах эсэхээ шийдэх юм.

АНУ-ын нефтийн арилжааны нөөц нь долоо хоногт хөрөнгө оруулагч нарт өөдрөг сэтгэгдэл төрүүлэхгүй байна. Арваннэгүгээр сарын 7-нд төгссөн долоо хоногт өнгөрсөн долдугаар сарын 380,2 сая баррелиас дөнгөж 381,2 сая болон нэмэгдсэн байна. АНУ-ын Эрчим хүчний яамны эрчим хүчний мэдээллийн газар нөөцийн мэдээгээ арваннэгдүгээр сарын 13-нд нийтлүүлжээ.

Нефть, хий олборлох орчин үеийн арга, инографик

Бэлтгэсэн Ш.МЯГМАР

mining.mn