Ерөнхий сайдад нэр дэвшигчдийг тодруулсан нь дүрэм зөрчсөн үйлдэл гэнэ

АН-ын Хяналтын Ерөнхий хорооноос сэтгүүлчдэд мэдээлэл хийлээ. УИХ дахь АН-ын бүлэг өнөөдөр хуралдаж  Ерөнхий сайдад Р.Амаржаргалын нэрийг дэвшүүлсэн. Харин АН-ын бүлэг хуралдаж, Ерөнхий сайдад нэр дэвшигчийг тодруулсан нь  тус намын  дүрэм зөрчсөн гэж  Хяналтын Ерөнхий хорооны гишүүд мэдээллээ.

АН-ын дүрмээр Ерөнхий сайдын нэрийг намын дарга санал болгох ёстой аж.  Гэтэл УИХ дахь АН-ын бүлэг энэ асуудлыг шийдсэн нь өөрт хамааралгүй зүйлийг өөртөө хамааралтай болгосон байна гэж үзэж байна

Мөн ХЕХ-ний гишүүдийн мэдээлснээр  АН-ын Үндэсний Зөвлөлдөх хорооны хурлаас АН-ын бүлэгт Засгийн газрыг эмхлэн байгуулах асуудлаар УИХ-д суудалтай улс төрийн намуудтай зөвшилцөх эрхийг өгсөн болохоос бус Ерөнхий сайдын нэрийг тодруулахыг тогтоолд дурьдаагүй гэв.