Али Баба-ийн Жак Ма-аас залуухан, технологийн салбар дахь Хятадын 5 шилдэг бизнесмэн

Fortune сэтгүүлээс Али Баба компанийн ерөнхийлөгч Жак Маг мэдээлэл технологийн салбар дахь Хятадын хамгийн баян залуугаар тодруулж байсан. Гэвч мэдээлэл технологийн салбарт Жак Магаас залуухан хятад бизнесмэнүүд бас байдаг талаар Fortune сэтгүүлд бичжээ.

Мэдээлэл технологийн салбарт гялалзсан амжилт гаргаж, Хятадын хамгийн баян хүмүүсийн эгнээнд яваа 40 нас хүрээгүй  бизнесмэнүүдийг танилцуулж байна.

Лю Куангдонг /Liu Qiangdong/: 39 настай

Лю Куангдонг нь Бээжинд төвтэй  хуучин 360Buy нэртэй байсан  JD.com Inc компанийн үүсгэн байгуулагч, гүйцэтгэх захирал юм. Энэхүү компани нь Хятадын 2 дахь том интернет худалдааны компани бөгөөд энэ жил Nasdaq дээр өөрийн IPO-г гаргасан билээ. Тэрээр 1.4 тэрбум долларын хөрөнгөтэй бөгөөд хятадын баячуудын жагсаалтад 98-д жагсаж байна.

Ванг Шиачуан /Wang Xiaochuan/ 36 настай 

Ванг бол Хятадын хятадын хайлтын систем болох портал Sohu.com Inc компанийн охин компани болох  Sogou Inc-ийн гүйцэтгэх захирал юм. Энэ компани утасны болон интернэтийн программ болон апп хийдэг ажээ.

 Яао Жинбо /Yao Jinbo/ 37 настай

Яао нь Хятадын 380 хотод хэрэглэгч болон худалдаачдыг холбосон үйл ажиллагаа явуулдаг интернэт худалдааны 58.com-ийн ерөнхийлөгч, гүйцэтгэх захирал юм. Энэ компани өнгөрсөн жилээс Нью Йоркийн хөрөнгийн бирж дээр хувьцаагаа гаргасан байна.

Янг Юүпү, Ли Хинхэ болон Занг  Шиши /Yang Yifu, Li Xinhe and Zhang Shishi/ 29-30 настай 

RenRenYouXin Group Co Ltd компанийн үүсгэн байгуулагчид болох эдгээр залуус бүгдээрээ 29-30 настай. Тэдний компани нь (P2P) буюу нэгээс нөгөөд зээлдүүлэх болон интернэтээр санхүүгийн үйлчилгээ үзүүлдэг юм. Энэ оны нэгдүгээр сард тус группын хөрөнгө оруулалт 130сая доллар болж өссөнөөр Хятадын томоохон хөрөнгө оруулагчдын нэг болсон байна.

Фү Шенг /Fu Sheng/ 36 настай 

Фү Шенг бол Cheetah Mobile Inc-ийн гүйцэтгэх захирал  бөгөөд тус компани нь 2014 оны 2-р сарын байдлаар 340 сая идэвхтэй хэрэглэгчтэй утасны интернэтийн тэргүүлэгч компани болжээ. Энэхүү компани нь Бээжинд байрладаг бөгөөд  Battery Doctor, Clean Master болон Duba Anti-virus-ийг бүтээснээрээ олон нийтэд танигдсан байна.