Н.Энхбаяр Солонгосоос Ерөнхий сайдын үүргийг гүйцэтгэхээр боллоо

Ааруул идэх гэж ирээд АН-ыг Засгийн газартай нь самарчихаад явсан Н.Энхбаярын Монголд ирж эхлүүлсэн ажлын үр өчигдөр гарч Засгийн газар бүрэн бүрэлдэхүүнээрээ огцров.

Ерөнхий сайд Н.Алтанхуягийн Засгийн газрыг бүрэн бүрэлдэхүүнээр нь огцруулах шийдвэрийг УИХ-аас гаргасан даруйд л дараагийн Ерөнхий сайд хэн байх вэ гэдэг яриа Төрийн ордноо гарч эхэллээ.

Ямартай ч Монгол улсын 28 дахь Ерөнхий сайдыг сонгогдтол шадар сайд Д.Тэрбишдагва Засгийн газрыг тэргүүлэхээр болов. Түүнийг Ерөнхий сайдаар түр томилсон даруйд Солонгосоос Н.Энхбаяр утасдаж заавар, зөвлөгөө өгсөн гэж эх сурвалж мэдээллээ.

Н.Энхбаярын юу хэлсэн нь одоогоор тодорхой биш ч энэ цагт МАХН-ынхан яаж хөдлөх, улс төрийн ямар тоглолт хийх ёстойг  Д.Тэрбишдагвад зааж чиглүүлсэн нь тодорхой юм.

АН-ын гүйцэтгэх зөвлөл өчигдөр хуралдаж Үндэсний зөвлөлдөх хороогоо хуралдуулах товыг

гаргана. Үүний дараа Үндэсний зөвлөлдөх хороо хуралдаж намын даргаа сонгоно. АН-ын дүрэмд намын дарга Ерөнхий сайдын үүргийн гүйцэтгэх ёстой гэж заасан байдаг. Тиймээс Үндэсний зөвлөлдөх хороо хуралдаж намын дарга болон Ерөнхий сайдыг сонгоно гэсэн үг юм. Гэхдээ тэр болтол зай байна. Тэгэхээр Ерөнхий сайдыг сонготол Н.Энхбаяр Солонгосоос Засгийн газрыг удирдах нь тодорхой болж байна. Ямартай ч тодорхой хугацаанд Ерөнхий сайдыг үүргийг Д.Тэрбишдагваар дамжуулж Н.Энхбаяр удирдана.

Харин энэ хугацаанд юу болохыг тааварлашгүй.

Ер нь Н.Энхбаярын Монголд ирж Н.Алтанхуягийг толгойг угаасан гол зорилго ч энэ байж болох юм. 2012 оны УИХ-ын сонгуулиар Ардчилсан нам нийт ард түмний 45 орчим хувийн саналыг авсан. Харин Монгол Ардын Нам 40 хувийн саналыг авсан юм. Мөн тус сонгуульд өрсөлдсөн МАХН-МҮАН-ын “Шударга ёс” эвслийн бүлэг 13 орчим хувийн саналыг авсан билээ. Ингээд УИХ-д суудалтай бол АН болон “Шударга ёс” эвслийн бүлэгтэй хамтарч эрх барьж байсан билээ.
Т.Энхэлээ

http://www.24tsag.mn/content/66989.shtml