Топ модель Д.Болормааг агентлагийнхаа эрэгтэй моделиудтай ор хөнжлийн асуудлаар холбоотой гэдгийг мисс Э.Сэлэнгэ илчлэв

“Miss World 2006” бүх дэлхийн сайхан бүсгүй шалгаруулах тэмцээнд эх орноо төлөөлөн оролцож, монгол бүжгийн гайхамшигийг мэдрүүлж явсан мисс Э.Сэлэнгэ эх орондоо удаан хугацаагаар ажиллаж амьдрахаар иржээ. Тэрээр анх 14 насандаа загварын тайзнаа гарч байсан бөгөөд өдгөө UBS телевизийн хөтлөгч найруулагчийн курст сууж тун ч завгүй яваа сурагтай. Гэвч сүүлийн үед Э.Сэлэнгээгийн талаар шар хэвлэлээр таагүй мэдээллүүд гарах болсон. Тэрээр түүнийг “порно од” хэмээн цоллож, нүцгэн зураг бичлэгүүд нь цахим ертөнцөөр тарах болсон.

Тэгвэл мисс бүсгүй маань саяхан хэвлэлд юугаа ч нууж хаалгүй шулуун шударга сонирхолтой ярилцлага агсөн байна. Тэрээр ярилцлагадаа өөрийнхөө хайр сэтгэл, найз нөхдийн урвалт болоод загварын тайцны арын амьдралын бүхий л булхайг илчлэн ярилцжээ. Мөн топ Д.Болормаагийн талаарх үнэнийг ч илчлээд авав. Тэрээр “Д.Болормаа намайг нухчин дардаг. Намайг тэр Сүбээдэй гэх залуутай хардаад сонин характер гаргасан. Саяхан тэр залуу Сингапурт очсон юм. “Пантом” ангентлагт загвар өмсөхөөр дөнгөж оччихсон хүнд чинь би ядахдаа Монгол ёсоо бодож тусална биздээ. Фитнесс зааж өгсөн, манай ангентлагийн бүх моделиуд бөөнөөр хоол идэж, клуфт орсон.

Маш энгийн түвшний харилцаа. Бөөнөөрөө авахуулсан зураг фэйсбүүк дээр гарсныг харчихаад буруу ойлгосон юм шиг байна лээ. Ер нь гадны ангентлагууд 7 хоногт нэг хамтдаа цагийг өнгөрүүлэх нөхөрсөг арга хэмжээ зохион байгуулдаг. Сүбээдэйтэй нэг агентлаг болохоор хамтдаа байсан. Дараахан нь би Монгол руу ирсэн. Болормааг тэгж хэлэхэд нь үнэхээр гайхсан. Намайг өөр лүүгээ угз татаж, хуруугаа гозойлгож чичлээд “Чи Сүбээдэйтэй яасан гэнээ” гэж дуугаа өндөрсгөөд. Би хариуд нь “Сүбээдэйтэй чин яагаа ч үгүй, та надтай ингэж ярьж болохгүй шүү” гээд босоод явсан. Би тэгж л биеэ барьсан. Би Болормаагаас хараат бус болохоор л энэ бүх үнэнийг ярьж байна. Хэрвээ хараат байсан бол тэр хүний характер, гаж үйлдэл, гаргасан араншин, хэлсэн бүхнийг нь далдлах байсан байх. Надтай тэгж харьцсан ёс суртахууны хувьд асар бүдүүлэг байсан учраас л би энэ тухай ярьж байна.

Уг нь тэр хүн надад их сайн байсан үе бий. Гэхдээ эр хүнээс болж надтай хувийн чанартай харьцсан нь миний үнэлэх үнэлэмж, цаашдаа хамтарч ажиллах хүсэл зорилгыг унтраасан” хэмээв. Мөн “Топ модель Болормаагийн талаар агентлагийнхаа залуустай нь холбосон ор, хөнжлийн асуудал их яригддаг. Үнэхээртийм юм уу, эсвэл гүтгэлэг үү” гэсэн сэтгүүлчийн асуултан  “Тийм үү, үгүй юу гэж асуувал би тийм л гэж хариулна. Угаасаа моделиуд нь ч мэддэг. Эрэгтэй эмэгтэй моделиуд багшаасаа хараат байдаг учраастэр болгон ярьдаггүй. Тэнд байгаа хүүхдүүдийг би ойлгож байна. Би загварын А үсгээ Болормаагаар заалгаагүй. О.Байгаль багшаар бүр хамгийн анх заалгаж байсан юм” хэмээн хариулав.

Эх сурвалж: Шуурхай.мн