Омарын эрэлд уран сайхны кино зургаан хоногийн дараа нээлтээ хийнэ

Омарын эрэлд адал явдалт инээдмйин уран сайхны киноны нээлт энэ сарын зургаанд болно. Тус кино нь TV Cocktail хамтлагийн дөрөв дэх дэлгэцийн уран бүтээл ажээ.

Уг киноны ерөнхий найруулагчаар Ж.Сэнгэдорж ажиллаж байгаа бөгөөд кино зохиолыг “ТВ Коктейль” хамтлагийн жүжигчин Б.Энхбаяр бичин продюсерээр С.Жавхлан, Э.Цолмонбаяр, зураглаачаар “Логик” фильм студийн Э.Нэргүй, хөгжмийн зохиолчоор “Ертөнц” цомгийн зохиолч Г.Онон нар ажиллажээ.

Киноны гол дүрд “ТВ Коктейль” хамтлагийн залуус бүрэн бүрэлдэхүүнээрээ тоглосон бөгөөд жүжигчин Б.Навчаа, Д.Дэлгэрсайхан, Б.Баатархүү, Х.Манлайбаатар, Р.Адъяа нар оролцон тогложээ. Энэхүү киноны зураг авалтын 40 хувийг БНСУ-д авсан бөгөөд тус улсад авсан зураг авалт нь албан ёсны зөвшөөрөлтэйгээр хийгдсэнээрээ онцлог бүтээл болжээ.