Хөтлөгч Уянгаагийн тоглоом шоглоом болов

UBS-ийн залуу хөтлөгч Уянга, Чойжилсүрэн нар австрали улсад суралцахаар хүлгийн жолоо залсан. Харин саяханаас хөтлөгч Уянга хөл хүнд болсон зургаа цахим хуудсандаа тавьсанаар түүнд баяр хүргэх, гайхах хүмүүс олон байсан. Тэгвэл тэрээр олон хүнээс уучлал хүсжээ.

Учир нь тэрээр хөл хүнд болоогүй ажээ. Цахим хуудсандаа тоглоомоор хийсэн түүний энэхүү тоглоом нь шоглоом болох шахсан байна. Гэрийнхэн болоод найз нөхөд нь гайхаж хоцорсон гэдэг.

Тэрээр өөрийн цахим хуудсандаа “Ёстой буруу зүйлээрээ тоглолоо. Өөрийнхөө зургаар жоохон сахилгүйтсэн чинь миний тоглоом хэрээс хэтрээд тоглоом биш болчлоо. Монголд байгаа гэрийнхэн, найз нөхөд маань гайхаад цус харвах дөхсөн байна. Уучлаарай ханиaхаасаа өмнө бодох байж… гэхдээ Монгол хүн амны бэлгээрээ хаашдаа л жирмээ болох юм чинь дээ. Гэхдээ одоо бол зүгээр дан биеэрээ байгаа шүү, давхар биетэй биш. Би их гэмшиж байна аа” гэлээ.