МЗХ-ны дэргэдэх Полиси төв үйл ажиллагаагаа идэвхижүүллээ

Полиси төв нь 1989 оны нэгдүгээр сард эрдэм шинжилгээ сургалтын төв нэртэйгээр байгуулагдсан бөгөөд зах зээлийн эдийн засаг, төр, эрх зүйн  шинэчлэлтийн тухай бодлого, гадаад хэлний мэдлэг олгох, урт богино хугацааны сургалтуудыг явуулан залуучуудад тасралтгүй суралцах боломжийг бүрдүүлэхэд анхаарч мөн нийгэмд чиглэсэн үйл ажиллагаануудыг зохион явуулдаг юм. Монголын Залуучуудын Холбоо Полиси төвөөрөө дамжуулан залуучуудаа мэдлэгтэй, боловсролтой, эх орны хөгжлийг түүчээлэн явах Монгол залуу хүн болгох зорилгоор энэхүү төвийнхөө үйл ажиллагааг дахин идэвхижүүллээ.

Өнгөрсөн хугацаанд Төрийн удирлагын үндэс, Менежментийн хичээл, Улс төр судлалын үндэс, Социологийн үндэс, Шинэ үе Залуучууд байгууллагын удирдагч төсөл, Економикийн үндэс, Эрх зүйн үндэс, Харилцааны сэтгэл зүй, Хувцас зохион бүтээгч зураач дизайнерын сургалт, МЗХ-ны аймгийн салбар зөвлөлийн тэргүүлэгч нарыг бэлтгэх залуучуудын байгууллагын удирдагч 45 хоногийн курс гэсэн ажлуудыг хийжээ.

Тоон болон чанарын судалгаа, Мэргэжлийн чиг баримжаа олгох, давтан сургах, Их дээд сургуулийн элсэгчдийн шалгалтанд бэлтгэх,залуучуудын байгууллагын ажилтан бэлтгэх,гадаад хэлний гэсэн 5 ерөнхий төрлөөр үйл ажиллагаагаа ­­­­­­­­явуулж байгаа юм байна.

Одоо Полиси төв нь сургалт Судалгааны чиглэлээр үйл ажиллагаагаа идэвхтэйгээр явуулж байгаа бөгөөд Хувь хүнйи хөгжил, Байгууллагуудын зөвлөхөөр ажиллах, зөвлөгөө өгөх, Байгууллагын ажилтан нэг бүрийг чадваржуулах, ажлын бүтээмжийг сайжруулах, өрсөлдөх чадварыг нэмэгдүүлэх, шинэ үеийн залуусын мэдлэгийн дээшлүүлэх чиглэлд түлхүү анхаарч ажиллаж байгаа ажээ.

Мөн 10 сарын 1-нээс эхлэн  Полиси төв нь Vision хөтөлбөрийг хэрэгжүүлж эхэлсэн бөгөөд Vision 21:21\ 21 аймгийн залуусд 21 ур чадвар эзэмшүүлэх \, Vision 70200 \ манлайлалын цогц сургалт\, Ажилд орох нууц \ ажилд орох гэж байгаа болон шинэ төгсөгчиддөө зориулсан сургалт\, Лифтний яриа \ ятган үнэмшүүлэх ур чадварт суралцах сургалт\, Vision womens \ Эмэгтэй хүний хатан ухаанд суралцах\, Vision skills \ Экологийн боловсрол олгох мэргэшүүлэх болон давтан сургалт\, Vision summer 14:9 \ Зун амар ч байгаа залуусд Монгол залуу заавал эзэмших 9-н зүйл\, Vision consulting \Албан байгууллагад ажиллаж байгаа залуусын ур чадварыг нэмэгдүүлэх \, Судалгаа \ Тоон болон чанарын судалгаа\ гэх мэт үйл ажиллагаа явуулж байгаа юм байна.