Э.Бат-Үүл: Н.Алтанхуяг хүний санаанд багтамгүй увайгүй үйлдэл хийлээ
Нийслэлийн АН-ын дарга Э.БАТ-ҮҮЛ АН-ын дарга Н.АЛТАНХУЯГИЙН МАХН-тай хамтран ажиллах гэрээг эсэргүүцэж хийсэн хэвлэлийн бага хурлын үеэр хэлсэн онцлох эшлэлүүд
- Манай намын Дарга Н.Алтанхуяг МАХН-тай хамтран ажиллах гэрээг хэнтэй ч ярилцалгүй өөрийнхөө хувийн шийдвэрээр гаргасан.
- АН-ын дүрэм ёсоор бусад намтай хамтран ажиллах гэрээг ҮЗХ батлах ёстой.
- 2024 оныг хүртэл хүчин төгөлдөр гэж байгуулсан энэ гэрээг хийх эрх Н.Алтанхуягт байхгүй.
- Н.Алтанхуяг хүний санаанд багтамгүй увайгүй үйлдэл хийлээ. Тэр Ерөнхий сайдын албан тушаалаа авч үлдэхийн тулд танхимынхаа долоон сайдыг золиосолсон. Харин одоо бүр намаа золиосолхоор оролдож байна.
- МАХН-тай хамтран ажиллах гэрээ ёсоор нийслэл, орон нутгийн намын байгууллагууд нэг нэгнийхээ санал болгосон боловсон хүчнийг дэмжиж ажиллана гэж заасан байна лээ. Гэхдээ манай нийслэлийн АН-ын хороо хэзээ ч МАХН-ыг дэмжихгүй.
- Энэ гэрээг шүүхэд өгч хүчингүй болгох талаар хөөцөлдөнө.
- Н.Алтанхуягт хариуцлага тооцохыг ҮЗХ-оос шаардаж байна. Миний мэдэгдлийг АН-ын мянга мянган гишүүд дэмжинэ гэдэгт итгэлтэй байна.
- Авлигын загалмайлсан эцгийн хувийн намыг хэзээ ч дэмжиж ажиллахгүй
ikon.mn
URL:
