ХААИС-ийнхан Оксфорд, Харвардын хичээлийг үзнэ

Дэлхийн шилдэг 100 их дээд сургуулийн 300 гаруй хичээлийг цахим хэлбэрээр үзэж сертификат авах боломжийг ХААИС энэ хичээлийн жилээс оюутнууддаа олгож байгаа ажээ. Түүнчлэн дэлхийн шилдэг сургууль Оксфорд, Харвардын хичээлийг үзэж, кредит цаг цуглуулах боломж тус сургуулийн оюутнууд, эрдэмтэн багш нарт нээлттэй болсон байна.

Энэ бол Монголын дээд боловсролын түүхэнд гарсан шинэлэг алхам юм. Дэлхийн шилдэг сургуулиудын хичээлийг цахим хэлбэрээр үзэж судлахын тулд оюутнууд англи хэлийг өндөр түвшинд эзэмшсэн байх шаардлагатай. Тиймээс ХААИС-ийн кампуст ажиллаж суралцаж буй бүх хүн англи хэл эзэмших аяныг өрнүүлсэн байна. Be Global нэртэй энэхүү аянд ХААИС-ийн бүх багш, оюутнуудыг хамруулахаар уриалга гаргажээ.

eagle.mn