Бүх нийтийн цэвэрлэгээгээр “Зайсан толгой” өнгө заслаа

Нийслэлийн хотын 375 жилийн ойг угтаж өнөөдөр буюу 2014 оны 10 сарын 18-ны бямба гаригт  “Бүх нийтийн их цэвэрлэгээ” нийслэлчүүд бид өрнүүлж байна.  Их цэвэрлэгээнд Нийслэлийн Засаг даргын хэрэгжүүлэгч агентлаг, харьяа газрууд, дүүргүүдийн Засаг даргын Тамгын газрын харьяа хэлтэс,  хороод , их, дээд болон ерөнхий боловсролын сургуулиуд, аж ахуйн нэгж байгууллага, иргэд оролцож байгаа юм.
Их цэвэрлэгээгээр нийтийн эзэмшлийн гудамж, зам талбай, гэр болон орон сууцны хороолол, ногоон бүс, Туул, Дунд голын эрэг дагуу,  аж ахуйн нэгж байгууллагын орчин, үерийн хамгаалалтын барилга байгууламж, гуу жалга, зам доогуурх ус нэвтрүүлэх хоолойн ахуйн гаралтай хог хаягдлыг цэвэрлэхээс гадна шон болон байгууламж дээр наасан зарлалын хуудсыг арилгах үүргийг өгсөн.

Албан байгууллагууд болон иргэд өөрсдийн хороод болон эргэн тойрны нутаг дэвсгэрийг цэвэрлэх үүрэгтэй юм. Өнөөдрийн их цэвэрлэгээнд олон албан байгууллага хамт олон идэвхтэй оролцож байгаагаас “Оюуны Ундраа групп” ХХК нийгмийн хариуцлагынхаа хүрээнд “Зайсан толгой” орчмын хог, навч, илүүдэл сул чулуу болон шороо, тамхины иш, орчны өнгө үзэмжийг алдагдуулж буй бүхнийг цэвэрлэж хамт олноороо сэтгэл гарган амжилттай ажиллажээ.

Зайсан толгойг бид эх орныхоо төлөө тэмцэж амиа өгсөн зоригт ахмад дайчдынхаа дурсгалыг хүндэтгэн барьж байгуулсан бүтээн байгуулалт гэдгээр сайн мэднэ. Нэг хэсэг орхигдоод байсан өнгө үзэмж муутайхан Зайсан толгой маань өдгөө Бурхан багшийн цэцэрлэг, Танктай хөшөө болон иргэдийг ая тухтай байлгах үүднээс цогцлоосон хүүхдийн тоглоомын талбай, ресторан, худалдаа үйлчилгээний төвүүд гээд олон олон шинэ бүтээн байгуулалтууд нээгдэж эхнээсээ үүд хаалгаа нээж өдөр ирэх тусам өнгөжин жавхаажиж байна. Үүнд “Оюуны Ундраа групп”-ын үүрэг чухал ач холбогдолтой юм. Учир нь тус компани өөрийн хөрөнгө оруулалтаар бүтээн байгуулж буй Зайсан Толгойн бүсийн хамгийн том соёл амралтын бүтээн байгуулалт болох “Зайсан Хилл” төсөлд “Зайсан-Соёл Амралтын Цогцолбор”, Худалдаа Үйлчилгээний “Зайсан Скуэр Төв”, нийтийн тээврийн тусгай үйлчилгээний “Air-360 Улаанбаатар”, тансаг зэрэглэлийн орон сууцны “Скуэр Резидэнс” зэрэг бүтээн байгуулалтуудыг өрнүүлж байна.

Уг ажлын хүрээнд “Зайсан толгой”-н энгэрт олон улсын стандартад нийцсэн хөгжмийн ая хэмнэлээр оргилдог, гэрэлтүүлэгүүдийг бүрэн хэмжээгээр ашигласан нийслэл хотод минь ая эгшиг, өнгө нэмсэн усан ориглуурыг хэдийн ашиглалтад оруулаад байгаад нийслэлчүүд ихэд талархан хүлээн авч байна. Ингээд “Оюуны Ундраа групп”-ын хамт олонд уншигчдынхаа өмнөөс талархал илэрхийлье.

undesten