Apple-ын танилцуулсан ШИНЭ СОНИН
Apple компани манай цагаар өнгөрсөн шөнө шинэ бүтээгдэхүүнүүдийнхээ ээлжит танилцуулгыг хийлээ.
Энэ удаагийн арга хэмжээ iPhone 6-гийнхийг бодвол цомхон, энгийн болж өнгөрлөө.
Ингээд шинэ бүтээгдэхүүнүүдийг товч танилцуулъя.
- iPad Air 2
Ноднин жил анх зах зээлд гаргасан iPad Air таблетын хоёр дахь хувилбарыг танилцууллаа.
Гол онцлогууд нь:
- Хамгийн нимгэн iPad. 6.1 мм зузаантай. Өмнөхөөсөө 18 хувь нимгэрсэн.
- А8X чиптэй. А8 чипний хоёр дахь үе. 3 тэрбум транзистороос бүтсэн, 64 бит архитектуртай, 40 хувийн хурдан төв процессор, 2.5 дахин хурдан график процессортой.
- Зай тэжээл нь 10 цаг хүртэл ажиллах багтаамжтай.
- 8MP iSight камертай. 1080p HD видео бичнэ.
- Хурууны хээ таних TouchID сканнертай.
- Үнийн хувьд WiFi хувилбар 16GB нь 499$, 64GB нь 599$, 128GB нь 699$.
- Анх удаа алтлаг өнгөний сонголттой гарч байна. Саарал болон мөнгөлөг нь уламжлалт өнгөнүүд юм.
- Бараг дэсктоп компьютерын хэмжээний чадалтай болсон тул зураг, видеог шууд өөр дээрээ боловсруулах боломжтой.
- Урьдчилсан захиалга нь өнөөдрөөс эхэлж байгаа ба үүнээс долоо хоногийн дараа зарагдаж эхлэх гэнэ.
- iPad Mini 3
Apple-ынхан iPad Mini 3 загвараа дурдсан боловч дэлгэрэнгүй мэдээлэл өгсөнгүй. Магадгүй тэд iPhone 6 Plus-д байр сууриа булаалгана гэж үзэж байж мэдэх юм. Үнэндээ iPhone 6 Plus байхад жижиг таблетын хэрэг байхгүй л дээ.
- Retina iMac
iMac дэсктоп компьютерээ тэд энэ удаа аварга том Retina дэлгэцтэй гаргажээ.
Онцлогуудыг нь дурдвал:
- Дэлхийн хамгийн өндөр нарийвчлалтай дэлгэцтэй дэсктоп
- 14.7 сая цэгтэй. 4K нарийвчлалаас илүү буюу 5K нягтралтай.
- HDTV-ээс 7 дахин олон цэгтэй.
- 4К TV-гээс 67 хувь илүү цэгтэй.
- 27 инчийн Retina iMac 2,499$ үнэтэй бөгөөд өнөөдрөөс зарагдаж эхэлж байна.
- Mac Mini
Mac Mini бүтээгдэхүүнээ шинэчлэн гаргажээ. Гадна тал нь хэвээрээ боловч дотор тал нь эрс сайжирсан байна.
Онцлогуудыг дурдвал:
- Дэлхийн эрчим хүчний хамгийн хэмнэлттэй дэсктоп
- 4 дэхь үеийн Intel Core процессортой
- Intel Iris, HD Graphics 5000 чиптэй
- PCIe флаш хард дисктэй
- 802.11ac WiFi сүлжээтэй
- Хоёр ширхэг Thunderbolt 2 порттой
- Үнэ 499$-оос эхэлнэ
- Бусад Програм хангамжийн шинэчлэлүүд
Програм хангамжийн хувьд дараах хэдэн шинэчлэлтүүдийг танилцууллаа.
- Mac OS-ын шинэ хувилбар OSX Yosemite өнөөдрөөс гарч байна. Mac App Store-оос татаж авах боломжтой.
- iOS 8-ын доголдлуудыг засаж сайжруулсан iOS 8.1 хувилбар ирэх Даваа гарагт гарна.
- iOS 8.1-тэй хамт Apple Pay хэрэглээнд гарна. Одоогоор 500 банктай гэрээ хийгээд байгаа гэнэ.
URL:
