Олимпийн төгөл байгууллаа

Монгол Улс зуны олимпод анх оролцсоны түүхт баярыг тэмдэглэж, анхны олимпийн наадамд оролцож байсан ахмад тамирчин, буурлууддаа хүндэтгэл үзүүлэх болон “Олимпийн төгөл” байгуулах үйл ажиллагаа Үндэсний цэцэрлэгт хүрээлэнд болж өнгөрлөө. Япон улсын Токио хотноо 1964 оны аравдугаар сарын 10-24-ны өдрүүдэд зохион байгуулагдсан зуны олимпийн наадамд манай тамирчид анх удаа оролцож байсан юм. Түүнээс хойш 50 жилийн ойгоо хийж буй эл өдрүүдэд дээрх үйл ажиллагааг санаачлан зохион байгуулж байгаа юм байна.