Д.Ганхуяг сайдын суудалд үлдвэл…

Засгийн газрын бүтцэд өөрчлөлт оруулснаар зургаан яамыг нэгтгэхээр болсон. Үүнд Сангийн яам, Эдийн засгийн хөгжлийн яамыг нэгтгэн Сангийн яам, Уул уурхайн яам, Эрчим хүчний яамыг нэгтгэн Геологи, уул уурхай, эрчим хүчний яам, Барилга хот байгуулалтын яам, Зам тээврийн яамыг нэгтгэн Дэд бүтцийн хөгжлийн яам болгон өөрчилж 13 яамтай болох юм.

Яамдын тоог ийн цөөлөх тогтоолын төслийг танилцуулахтай зэрэгцэн дараагийн сайд нарын буухиа үргэлжилж байгаа юм. Дээрх яамдын сайд нар суудалдаа үлдэх үү, эс үлдэхүү гэдэг таамаг ч “Шонхор” фракцын төлөөлөл болон Засгийн газарт суудаг Д.Ганхуяг хөдлөх үгүй нь анхаарал татаж байна.

Хэрвээ “Шонхор” фракц Д.Ганхуягийг хөдөлгөхгүй бол МАХН-МҮАН-ын “Шударга ёс” эвслийн бүлэгт асуудал үүсэх юм. Учир нь МҮАН-аас ганцхан М.Сономпил хамтарсан Засгийн газарт сууж байгаа. Тиймээс М.Сономпил сайдын суудалгүй үлдвэл эвслийн бүлэгт байж, хамтарсан гэх тодотголтой засагт байх хэрэггүй болно. Үүнээс үүдэн эвслийн бүлэг тарах дээрээ ч тулж мэдэх юм. Тиймээс “Шонхор”-ынхон ямар шийдвэр гаргах бол гэдэг нь олны сонирхолыг татсан хэвээр байна.