Ардын уран зохиолчид оюутнуудтай уулзав

ХААИС-ийн хөдөө аж ахуйн төв номын сангаас “Номын баяр”-ын өдрийг 3 дахь жилдээ тэмдэглэн өнгөрүүллээ. Энэ жилийн номын баярын арга хэмжээг “Аз хур” номын дэлгүүртэй хамтран зохион байгуулсан бөгөөд номын сангийн гаднах талбайд “Аз хур” номын дэлгүүрийн номын худалдаа болж ХАА-н төв номын сангийн 2013-2014 оны хичээлийн жилд фондоо баяжуулсан шинэ ном, сэтгүүлийн үзэсгэлэн гарсан юм. Мөн уншлагын 2-р танхимд “Тэргүүний уншигч” шалгаруулах арга хэмжээ, яруу найрагч-уншигчдын хооронд чөлөөт уулзалт-ярилцлага зохион байгуулж явууллаа. Уулзалтанд Төрийн шагналт, Ардын уран зохиолч Ш. Сүрэнжав, Ардын уран зохиолч Д. Цоодол нар уригдан оролцож уран бүтээлийнхээ дээжээс уншиж, уран бүтээлийн анхны гараа болон дурсамжаасаа хуваалцсан юм. Энэ үеэр яруу найрагч Ш. Сүрэнжав хамгийн сүүлд хэвлүүлсэн “Жараад оны яруу туульс” номоо тус их сургуулийн номын санд бэлэглэлээ.

Mongolian State University of Agriculture