Энэтхэг аархал

Парах гэдэг хүн өөртөө ер бусын бэлэг – алтаар хийсэн цамц бэлэглэсэн байна. Энэ цамц нь бараг 130 мянган фунт стерлингийн үнэтэй ажээ. Цамцыг 20 хүн 3200 цагт “нэхсэн” байна.

Бүр хүүхэд байхаасаа ийм ер бусын бэлгийн тухай мөрөөдөж байсан, тэгээд мөрөөдлөө биелүүлж чадсанд баяртай байна гэж Парах хэлжээ.

Гэхдээ энд нэг муу тал бий бөгөөд тэр олны дунд ийм цамцтай явж чаддаггүй, яагаад гэвэл түүнийг зүгээр л дээрэмдэж мэднэ, тиймээс тэр бие хамгаалагчдын бүхэл бүтэн баг хөлсөлж, тэднийхээ хамт л хотоор зугаалдаг байна.

Ер нь ийм моод Энэтхэгийн мөнгөө багтааж ядсан бизнесмэнүүдийн дунд гараад байгаа аж. Парахын өмнө түүний сайн найз тус улсын зартай тэрбумтнуудын нэг Датта Пхуге мөн л ийм алтан цамцаар гангарч хэвлэлийн од болоод байсан юм.

Парах алтан цамцтай болсныхоо дараа өөрийн зургаа найз Пхугедээ мэйлээр илгээж зиндаархсан гэнэ.

medeelne.mn