Өнөөдөр манайд чанарын өндөр төвшинд барилга баригдаж байна уу?

Өнөөдөр манайд чанарын өндөр төвшинд барилга баригдаж байна уу? гэж өөрийн эрхгүй асуумаар… Өдөр ирэх тусам хотын өнгө үзэмжийг нэмэх өндөр өндөр шилэн барилгууд сүндэрлэсээр л байна. Мөн түүнчлэн энэ асуудалд Улсын мэргэжлийн хяналтын газрынхан анхаарч хандаж байна уу? гэдэгт ард иргэд эргэлзэж эхлээд байна. Бүх зүйл болж өнгөрсөн хойно нь л халаглах хийгээд хэн нэгэн ажилтандаа бурууг тохож удирдлагууд нь уснаас хуурай гарах гэх сонгодог аргыг хэрэгжүүлсээр байгаа нь харамсалтай.

Үүний томоохон жишээ нь өнөөдөр л гэхэд Хүүхдийн паркын хашаанд баригдаж байсан Шангрила төслийн барилгын байр шатаж хэрхэн чанаргүй барилга баригдпаж байгааг харуулаад авах шиг. Энэхүү барилга нь 500 сая ам.долларын хөрөнгөөр босож байгаа монголд баригдаж байгаа хамгийн сайн барилга мэргэжлийн хяналтынхан болон улсын комисс хүлээж авсан хэмээн ханхалзаад авсан барилга. Гэтэл хэлсэн үг нь бараг сарниж амжаагүй байхад өнөө сайн хэмээн магтаж байсан барилга нь шатаж орхив.

Одоо хэний буруу болгох гэж хэнээрээ туг тахих ёслолын ажиллагаа зохиох нь чухамдаа цаг хугацааны асуудал л болж хоцорлоо. Хүлээж авсан байцаагч нь уу? эсвэл дээрээс мундагдсан дарга нь уу?…

ЧОЙ