Т.Санчир “MVP”-д нэр дэвшиж, 45 сая төгрөгөөр “Гурван тамир”-т очно

“Инчоны Азийн наадам”-д Монголын сагсчид өндөр амжилт гаргаж, элэг нэгтнүүдээ баярлуулсан билээ. Монголын эрэгтэй сагсан бөмбөгийн шигшээ багийн тоглогч болох Т.Санчир, Б.Билгүүн нарыг Азийн томоохон багийн мэргэжилтнүүд сонирхож эхэлсэн тухай яриа чих дэлссэн. Харин гадны багт тоглох асуудлыг Т.Санчир үгүйсгэсэн бөгөөд эх орныхоо нэрийн өмнөөс цаашид улам хичээж, амжилт гаргахын төлөө тоглоно гэдгээ мэдэгдсэн.

Тэгвэл түүнийг тус тэмцээний хамгийн үнэ цэнэтэй тоглогчийн шагналд нэр дэвшүүлжээ. Тэрбээр нэг тоглолтонд дунджаар 21.4 оноо авч шилдэг гурван довтлогчийн нэгд бичигдсэн. Мөн 34 таслалт хийж энэ үзүүлэлтээр тэргүүлж байгаа юм. Өнөөдөр манай сагсан бөмбөгчид Катарын багтай ээлжит тоглолтоо хийх бөгөөд хожсон тохиолдолд тавдугаар байрны төлөө өрсөлдөх эрхтэй болно. Мөн тэрбээр удахгүй эхлэх Үндэсний супер лигийн тэмцээнд “Гурван тамир” багт тоглохоор болжээ. Түүний шилжилт хөдөлгөөн 45 сая төгрөгөөр хийгдсэн байна.

uls.mn