Дөрвөн талбайн сонгон шалгаруулалтад үнэлгээ өгөх ажиллагаа удахгүй дуусна
106 тусгай зөвшөөрлийн эхний шатны сонгон шалгаруулалтад оролцох хүсэлтэй компаниудын саналыг хүлээн авах хугацаа энэ сарын 22-нд дуусчээ. Энэ хугацаанд нийт 14 талбайн дөрөвт нь өрсөлдөгчтэй хүчин төгөлдөр санал хүлээн авсан байна.
Хүчин төгөлдөр санал хүлээн авсан дөрвөн талбайн сонгон шалгаруулалтад үнэлгээ өгөх ажиллагаа ойрын өдрүүдэд дуусах юм байна. Эдгээр талбайн гурвыг дотоодын хөрөнгө оруулалттай компаниуд эзэмшиж байсан бол нэг нь гадаадын хөрөнгө оруулалттай компани байж магадгүй байгаа аж. Харин үлдсэн 10 талбайд ирэх сарын 23-ны өдөр хүртэл дахин сонгон шалгаруулалт зарласан байна. Гэхдээ журмын дагуу хоёр дахь удаагаа сонгон шалгаруулалт өрсөлдөгчгүй явагдсан тохиолдолд тусгай зөвшөөрлийг хуучин эзэмшигч нарт нь олгох гэнэ.
Сонгон шалгаруулалтад урьд нь тусгай зөвшөөрөл эзэмшиж байсан компаниуд давуу эрхтэйгээр оролцох юм байна. Харин босго үнийг лицензийг өмнө нь эзэмшиж байсан компаниудын гаргасан геологи, хайгуулын ажлын зардлаар тооцож байгаа юм. Гурван шатны шүүхийн шийдвэрээр хүчингүйд тооцсон 106 тусгай зөвшөөрлийг өмнө нь эзэмшиж байсан компаниудыг хохиролгүй болгох зорилгоор сонгон шалгаруулалт явуулахаар болжээ.
Uls
URL:
