Их аварга Хакүхо ганцаараа тэргүүлж эхэллээ

Японы мэргэжлийн сүмогийн Аки башё буюу есдүгээр сарын башёгийн ес дэх өдрийн барилдаан дөнгөж сая өндөрлөлөө. Мэргэжлийн сүмогийн 69 дэх ёкозүна Хакүхо М.Даваажаргал комүсүби Такарафүжиг ёрикири мэхээр даван, ес дэх ялалтаа байгуулан башёг тэргүүлсээр байна.

Мэргэжлийн сүмогийн 71 дэх аварга Какүрюү М.Ананд өнөөдөр маэгашира Ёшиказетай барилдан ошидаши мэхээр ялагдал хүлээлээ. Маэгашира Ёшиказе энэ сарын башёд тун сайн барилдан аварга арслангуудын аранга болоод байна. Өнөөдрийн онцлох барилдаан болсон Японы озеки Гойедо болон Кисенасато нар энэ өдөр барилдаж Гойедо давжээ.

Дээд зиндаанд шинээр гарч ирсэн манай сүмоч Ичиножёо А.Ичинноров өнөөдөр туршлагатай бөх маэгаширагийн 12-д эрэмбэтэй Саданоумиг ялсанаар дээд зиндаанд найм ялж тэрггүлэгчийн эгнээнд явсаар байна. Ингэснээр энэ сарын башёг Хакүхо их аварга ганцаараа тэргүүлж эхэллээ.