Адайр ааштай ч, урлагт элэгтэй баатар

Хэзээний л хэл амтай, дуугүй байж чаддаггүй хэцүүхэн авиртай хүн бол Буянгийн Жагаа. Ямартай л “Та байр сууцаа зарсан гэл үү? гэх сэтгүүлчийн асуултад “Тэгсэн, зарсан. Байраа зараад байшин болгох гэсэн юм. Харин байр зарсан мөнгөөрөө нойлийн өрөөгөө тохижуулна  болохгүй юу” хэмээн хэгжүүрхэж байсан удаатай. Гэхдээ тэрээр ам шигээ ажилтай гэж дүгнэгдэх нь бий. Тухайлбал түүнийг сайн улс төрч төдийгүй шоу менежер гэдгийг мэдэх хүн олон. Буянгийн Жагаагүй томоохон тоглолт монголд бараг байхгүй гэхэд хилсдэхгүй. Тэрээр хамгийн хүчтэй чадалтай техник хэрэгсэлийг эзэмшдэг болохоор арга ч үгүй биз. Адайр ааштай ч урлагт хайртайнх нь гэж урлаг соёлын хүрээнийхэн ярилцдаг.  Тэрээр анх төв цэнгэлдэх болон Сүхбаатарын талбайд нүсэр шоу зохион байгуулахын тулд маш их хүч хөдөлмөр, асар их туршлага, авьяас чадвар шаардахаас гадна хэдэн хоногоор ч нойргүй хонох нь энүүхэнд байдаг. Бүр ажилчидтайгаа зэрэгцээд үүрийн таван жин хүртэл хөгжим хэрэгсэлээ угсардаг. Мөн тоглолтын үеэр хөгжмийнхөө ард зогсож байдаг хариуцлагатай менежер. Тэрбээр энэ жил хүй долоон худагт наадмын нүсэр шоу зохион байгуулах бөгөөд гадаадын нэр алдартай дуучдыг авчирч залуусын цөсийг хөөргөхөөр зэхэж байгаа аж.
О. Чимгээ.