Дөрвөн цэцэрлэгт хүрээлэн яасан бэ Т.Бат-Эрдэнэ дарга аа

Нийслэлийн Засаг даргын Экологи, ногоон хөгжлийн асуудал хариуцсан  орлогч  Т.Бат-Эрдэнийн яриагаар бол энэ зун нийслэлд дөрвөн цэцэрлэгт хүрээлэн нээгдэх байв.  Тодруулбал Тасганы овоо, Чингэлтэй дүүргийн 17 дугаар хороонд хоёр га газар, Арслантай гүүрний баруун талд, Хан-Уул дүүргийн 120-ийн автобусны буудлыг хажууд нээгдэж, хүүхэд тоглон, залуус зугаалах газартай болох байв.  Гэтэл зун дуусаж байхад нэг нь ч нээгдсэнгүй.  Ядаж олон жил яригдаж байгаа Тасганы овооны цэцэрлэгт хүрээлэнгээ ч нээсэнгүй.  Уг нь  тэрээр “Тасганы овоог  Канад хөрсөөр хучина” гээд л нэг их сүртэй  ярьсан байдаг. Гэтэл одоогоор тэр нь ч байхгүй.   Ам ажил хоёр алд дэлэм зөрнө гэдэг л энэ байх даа.

Т.ДАЛАЙ /ЗУУНЫ МЭДЭЭ/