АНУ 2014 оны сагсан бөмбөгийн дэлхийн аварга боллоо

Түүхэн ялалт
2014 оны сагсан бөмбөгийн ДАШТ Испанийн Мадрид хотноо хоёр долоо хоног үргэлжилж өчигдөр амжилттай өндөрлөлөө. АНУ-ын баг тамирчид 15 удаа гурван онооны шидэлт амжилттай хийснээр Сербийн багийг 129-92 харьцаагаар ялж 2014 оны дэлхийн аварга боллоо. АНУ нь түүхэн ялалт байгуулсныг хэвлэлүүд онцолж байна.

Аваргын төлөө тоглолтод Кайри Ирвинг, Жеймс Харден нар 26, 23 оноогоор тэргүүллээ. Тэд 11 удаа гурван онооны шидэлт хийснээс 9 нь амжилттай болж багаа ялахад ихээхэн үүрэг гүйцэтгэсэн байна. Тэднээс гадна америкийн зургаан тоглогч хоёр оронтой оноо авснаас 11 шидэлт, 9 хариу цохилтыг амжилттай хийсэн ДеМаркус Коусинсийг онцолж болно.

Сербийг 37 онооны зөрүүгээр ялсан нь АНУ-ын хувьд түүхэнд бичигдэх ялалт байлаа. 1994 оны ДАШТ-д АНУ ОХУ-ыг 137-91 харьцаагаар буюу 46 онооны зөрүүгээр ялсан нь ДАШТ-ний түүхэнд хамгийн өндөр зөрүүгээр аварга болсон рекорд хэмээн бичигджээ. Мөн өчигдрийн амжилт нийт авсан онооны тогоороо ч түүхэнд дээгүүр бичигдсэнийг онцлох хэрэгтэй. АНУ тав дахь удаагийн Дэлхийн аваргын титмээ гардан авсан байна.

Аваргууд төрийн дууллаа дуулж байна.

Аваргын цомыг Жеймс Харден төлөөлөн авлаа.

АНУ-ын баг тамирчид ялалтаа тэмдэглэж байна.

Жинхэнэ баг бүрэлдэхүүний хамт.

Жеймс Харден, Кайри Ирвинг нар бар мөчөө хуваалцаж байна.

Мөнгөн медалийн эзэд болсон Сербийн баг тамирчид.

Аваргын төлөөх тоглолтод багаа тэргүүлсэн тамирчдын оноо.

АНУ, Сербийн гол тоглогчдын үзүүлсэн оноо.

Кайри Ирвинг 2014 оны ДАШТ-ний MVP боллоо

Кайри Ирвинг финалын тоглолтод хамгийн сэтгэл хөдөлгөм тоглолт хийж, гайхалтай хувийн амжилтуудыг үзүүлснээр 2014 оны ДАШТ-д Most valuable player буюу Хамгийн үнэ цэнэтэй тоглогчоор тодорсон байна. Тэрээр гурван онооны шидэлтийг зургаан удаа, самбарын шийдэлтийг 13-аас арван удаа амжилттай хийснээс гадна дөрвөн чухал дамжуулалт хийжээ. Тэрээр хувьдаа 26 оноогоор тэргүүлжээ.

Ингэснээр 22 настай Кайри Ирвинг онцлох таван тамирчны нэг болсон бөгөөд баг хамт олон болон нутаг нэгтнүүдээ баярлуулсан юм.

ДАШТ-ний шилдэг таван тамирчин Tissot брэндийн цагаар шагнуулав. Зүүн гар талаас Кеннед Фариэд (АНУ), Пау Гасол (Испани), Николас Батум (Франц), Кайри Ирвинг (АНУ), Милос Теодосик (Серби).

24tsag.mn