”И Си Си” хүний амь насанд заналхийлж байна

Сүүлийн жилүүдэд бүтээн байгуулалт ихээр явагдаж, нийслэлийн хаа л бол хаа чанартай чанаргүй барилга оронсууц сүндэрлэх болсон. Энэ хэрээр барилгын салбар хүний амь насанд заналхийх нь хэрээс хэтэрлээ. Уншигч та энэ зургийг харж байна. Үүнд ямар амь насны баталгаа байна вэ. Харахад л хирдхиймээр. Нөгөө талаар хүний амь насаар дэнчин тавьж бүтээн байгуулалт нэрийн дор бизнес хийх хэрэг байна уу.

Тодотговол, нийслэлийн Баянзүрх дүүргийн нутаг дэвсгэр, Дүнжингарав худалдааны төвийн урьд талд баригдаж байгаа 12 давхар оронсууцыг уншигч та харж байна. Тус барилгын ажлыг барилга угсралтын “И Си Си” ХХК гүйцэтгэж байгаа аж. Энэхүү аюул дагуулсан дүр зургийн тухайд тус барилгын ажлыг ахлан гүйцэтгэж байгаа ерөнхий инженерээс нь тодруулбал, тэрээр “Манай захиалагч талаас нэг юм өлгөөд аль гэж гуйсан юм. Уг нь ч энэ бол ноцтой л зүйл. Үүнийг ингээд өргөж байхад би яг дор нь зогсоод зааварлаж байсан юм” хэмээсэн юм. 16 давхарын дор зогсоод заавар өгч байгаа инженер осол гарвал ямар тусламж үзүүлж чадах билээ. Өөрөө л дэр нь болж л амь насаа хамт алдахгүй бол өөр ямар ч арга алга. Тиймээс би бүтээн байгуулалт ид өрнөж буй энэ цаг дор бусдад нь анхааруулга болгох замаар үүнийг нийтэд түгээж байна.

Уг нь барилга угсралтын  “И Си Си” ХХК нь байнга л зар сурталчилгаа явуулж байдаг “Хүннү 2222” хорооллоос эхлээд олон бүтээн байгуулалтад гар бие оролцсон туршлагатай компани юм билээ. Сурталчилгаа ихэдсэн барилга байгууламжийн чанар ч тиймхэн байх нь мэдээжийн хэрэг.

Нөгөө талаар энэ компанийн ар талд Увс фракцийнхан байдаг. Бүр тодотговол нэр нөлөө бүхий түшээд, өндөр дээд албан тушаалтнууд байдгийг ч бид мэднэ. Тиймдээ  ч тал талын дэмжлэгтэй олон том төслийг өөрийн болгодгоороо гаршсан байгууллага аж. Өөрөөр хэлбэл эрх мэдлээр далайлгаж төсөлд оролцдог гэсэн үг. Энэ тухай мэдээлэл бидэнд байгаа ч үүнийг дурдаад яахав, энэ удаад. Зураг дээрээс харахад л аймшиг дагуулж, хирдхийж байгааг уншигч та харж байгаа байх. Тиймээс Увс фракцийн өндөр дээд хэргэмтнүүд хүний амь насанд заналхийлж байгаа компанидаа анхаарал хандуулахыг нийт уншигчдынхаа өмнөөс хүсч байна.

А.Гал