“Лянь Хө” хятад хоолны газрын үйл ажиллагааг түр хугацаагаар зогсоожээ

Кино үйлдвэрийн баруун талд байрлах “Лянь Хө “хэмээх хятад хоолны газар өттэй хоолоор үйлчилсэн гэсэн мэдээлэл гарсан.

Энэ мэдээллийн дагуу МХЕГ, НМХГ-ын удирдлагаас өгсөн үүргийн дагуу Баянзүрх дүүргийн МХХэлтсийн даргын баталсан 11/105 тоот удирдамжтай шалгалтаар Баянзүрх дүүргийн тавдугаар хороонд байрлах “Нандинхүү” ХХК-ний “Лянь Хө” зоогийн газрын үйл ажиллагаанд хяналт шалгалт хийжээ.

Шалгалтаар нэлээдгүй зөрчил илэрсэн бөгөөд зөрчлийг үндэслэн улсын байцаагчийн 11 заалт бүхий 28-03-207/171 дугаартай акт үйлдэн үйл ажиллагааг түр хугацаагаар зогсоожээ. Улмаар “Төрийн хяналт шалгалтын тухай” хуулийн 16.1.3 дахь заалтыг үндэслэн тус аж ахуйн нэгжийг 960 мянган төгрөгөөр торгосон байна.

Н.Алт

Эх сурвалж: Нийслэл таймс