ЕАБХАБ-ын төлөөлөгч Мижатович Ц.Батын тухай мэдэгдэл хийлээ

Европын аюулгүй байдал, хамтын ажиллагааны байгууллагын (ЕАБХАБ) Хэвлэлийн эрх чөлөөний байгууллагын төлөөлөгч Дунжа Мижатович Ц.Батад хорих ял оногдуулсан тухай энэ долоо хоногийн эхээр мэдэгдэл хийжээ.

Тэрбээр “Гүтгэлгийн шинж чанартай ийм үйл явдалд хорих ял оногдуулах нь байж боломгүй шийдвэр юм. Манай байгууллага Европын аюулгүй байдал, хамтын ажиллагааны байгууллагын хүрээнд улс орнуудад хэвлэлийн эрх чөлөөг хөгжүүлж, эрүүгийн гэмт хэргээр шийтгэл оногдуулахын эсрэг үйл ажиллагаагаа явуулсаар ирсэн. Монгол Улс бол хэвлэлийн эрх чөлөө хөгжиж байгаа загвар улс юм. Би энэ улсад үзэл бодлоо чөлөөтэй илэрхийлэх эрх чөлөөнд сүүдэр тусах вий гэдгээс эмээж байна” гэжээ.