АНУ-ын цамаархалыг Монголчууд дуурайх хэрэгтэй юу?

Америкийн цамаархал, Африкийн ядуурал гэсэн утгатай зураг сүүлийн үед цахим хэрэгслийн байнгын зочдыг нэлээд асуудал дэвшүүлэхэд хүргээд байна.

Учир нь дэлхийн нэг буланд хүмүүс уух усгүй ангаж цангаж, амь насаа алдахад хүрч байхад нөгөө өнцөгт усаар тоглож,  зугаа цэнгэлийн хэрэгслээ болгож байгаа юм.

“Ice Bucket Challenge” буюу мөстэй ус өөр дээрээ асгаж, олны танил урлаг соёлын, спортын алдартан, улстөрчдийг сайн үйлсэд дууддаг аян өрнөж дэлхий нийтийг хамраад байгаа. Тэгвэл манай Монголын урлагийнхан ч энэ аянд нэгдэж ороод байгаа юм.

Тэгвэл энэ бүхнээс болж “Улаанбаатарчууд ундны усгүй болоод усаа гамная гэж уриалдаг хэрнээ АНУ-ын цамаархалыг дуурайгаад байж болох уу?. Үнэхээр тусламж хэрэгтэй хүмүүст туслах гэж байгаа бол зүгээр очоод хандиваа өгчихөж болдоггүй юм уу?” гэх иргэд олширлоо.